www.Nowina.info

nowinki z NOWINY

Nebyly zapsány žádné novinky

W 1984 roku pani Krystyna Mruzek wykómbinowała, że lepi kozać dzieckóm w muzycznej grać ludowóm muzyke niż sie z nimi fórt tropić a walić kaj popadnie. Po jakimsi czasie tóm grupke muzykantów nazwała NOWINA. Wszystko to miało miejsce w Jabłónkowie, kiery leżi w tej czynści Ślónska Cieszińskigo, kiero sie dostała do Czeski Republiki. Poza szkołóm muzycznóm w Jabłónkowie my też reprezentowali jabłónkowskóm polskóm szkołe podstawowóm a miejscowe koło Polskiego Związku Kulturalno Oświatowego.

Przez kielasi roków sie przez Nowine przewijały dziecka, kiere sie ucziły grać u pani Mruzkowej, aż wymyślała młodszóm kapele - Lipke a potym eszcze Torke, a nazwa Nowina zaczła dorośleć razym z ostatnim składym.

Dzisiejszo Nowina, to je 5 muzykantów a nikiedy eszcze jakosi śpiywoczka. Naszim podstawowym repertuarym je muzyka ludowo Ślónska Cieszińskigo a to głównie górolsko, ale starómy sie grać aj inszi regióny a rodzaje muzyki, coby jak nejlepi bawić ludzi. Growómy kaj nas popytajóm: na festiwalach, festynach, balach, wiesielach, urodzinach a inszich świyntach, po kościołach aj po gospodach.